Mae ein clwb yn agored i chwaraewyr o bob lefel sgiliau, p'un a'ch bod wedi cynrychioli eich sir, dim ond eisiau chwarae ffrind a chael hwyl, neu erioed wedi chwarae o'r blaen.

I'r rhai hynny nad ydynt eisiau chwarae'n gystadleuol mae un o sesiynau ymarfer y tîm yn sesiwn gymdeithasol sy'n agored i unrhyw un. Nid oes angen unrhyw offer - dim ond dod draw i chwarae badminton!!

I'r chwaraewyr hynny sy'n gobeithio cynrychioli'r brifysgol yn gystadleuol, cynhelir treialon yn gynnar yn y flwyddyn, ond peidiwch â phoeni os na chewch eich dewis. Bydd cyfleoedd eraill yn codi i chi gael eich pigo i'r tîm wrth i chi wella eu sgiliau ac wrth i'r flwyddyn fynd rhagddi. Mae aelodau'r tîm bob amser yn hapus i helpu ac i gynnig hyfforddiant a chefnogaeth yn y sesiynau cymdeithasol ac yn eu hamser eu hunain felly peidiwch â bod ofn gofyn.

Os oes gennych unrhyw gwestiynau, p'un a ydych chi'n lasfyfyriwr neu'n rhywun sy'n ystyried Bangor fel dewis, mae croeso i chi anfon neges atom ar Facebook neu Instagram.

Mae 3 tîm dynion ac 1 tîm merched sy'n cystadlu'n wythnosol yn adrannau Chwaraeon Prifysgolion a Cholegau Prydain (BUCS) a bydd chwaraewyr gorau'r clwb yn mynd ymlaen i gystadlaethau cenedlaethol BUCS a gynhelir unwaith y flwyddyn.