Gwneud Newid
Mae Creu newid yn gyfle i ti wneud newidiadau positif ac ymgyrchu’n rhwydd ac effeithiol ar sail y syniadau a’r ymgyrchoedd rwyt yn eu cyflwyno i ni. Mae’r nod yn syml: sicrhau bod Undeb Bangor yn wirioneddol gynrychioli Myfyrwyr Prifysgol Bangor, a hwyluso’r broeses o godi syniadau, dechrau ymgyrchoedd, a chreu newidiadau positif.
Gall y syniadau a’r ymgyrchoedd y byddi yn eu cyflwyno i ni fod ynglŷn a unrhyw beth sydd am wella profiadau myfyrwyr yma ym Mangor. Mae tîm yr Undeb yma i dy gefnogi wrth i ti arwain dy ymgyrch neu dy brosiect dy hun, cwbwlha’r ffurflen er mwyn cychwyn arni.
Os oes gennyt ymgyrch frys, mae ganddom adran benodol ar y ffurflen gyflwyno ar dy gyfer. Dewisia ‘Ia’ os yw dy ymgyrch yn un frys a gallwn gysidro’r broses llwybr cyflym pan yn briodol.
Sut mae'n gweithio?
Cam 1 - Cyflwyno dy syniad neu ymgyrch
Cwbwlha cyn gymaint o’r ffurflen a sydd yn bosibl. Nid oes angen i dy atebion fod yn hir, ond po fwyaf o fanylion y byddi yn ei darparu, y gorau y gallwn ddeall dy syniad. Ceisia gynnwys pam ei fod yn bwysig a beth yr wyt yn obeithio ei gyflawni.
Os yw dy syniad yn fater brys, dewisia ‘Ia’ yn yr adran berthnasol o’r ffurflen. Gall gynigion brys gael ei rhoi ar y llwybr cyflym a’i trin yn wahanol yn ddibynnol ar y sefyllfa.
Cam 2 – Galwad am Dystiolaeth
Byddwn yn cysylltu o fewn yr wythnos er mwyn dy hysbysu o’r camau nesaf.
Mae pob syniad neu ymgyrch yn agor Galwad am Dystiolaeth sydd yn para o leiaf 10 diwrnod. Yn ystod y cyfnod hwn, efallai y byddwn yn gofyn am gyfarfod, mwy o wybodaeth, neu eisiau egluro sut y cesglir tystiolaeth. Bydd myfyrwyr, cymdeithasau, clybiau a rhanddeiliaid eraill yn derbyn gwahoddiad i rannu eu safbwyntiau, data ac adborth.
Mae modd i ti gyflwyno tystiolaeth ychwanegol unrhywbryd trwy ebostio studentvoice@undebbangor.com.
Cam 3 – adolygiad y Tîm Swyddogion Myfyrwyr
Unwaith bydd yr Alwad am Dystiolaeth wedi dod i ben, bydd y Tîm Swyddogion Myfyrwyr yn cyfarfod i drafod dy syniad neu’r ymgyrch a phwyso a mesur y syniad gwreiddiol ochr yn ochr â unrhyw dystiolaeth bellach a gyflwynwyd. Yna byddant yn penderfynu p’un a’i i'w gymeradwyo neu ei wrthod.
Os na ellir dod i gytundeb, bydd y syniad yn symud ymlaen i bleidlais gan yr holl fyfyrwyr.
Cam 4 – Os ydych yn anghytuno gyda’r penderfyniad
Os ydych yn anhapus ynglŷn a’r canlyniad, mae modd lawnsio Deiseb ar ein gwefan.
Os y byddwch yn casglu llofnod gan 50 myfyriwr o fewn 10 diwrnod, bydd yn arwain at bleidlais gan yr holl fyfyrwyr. Mae’n bwysig eich bod yn ein hysbysu cyn gynted ac y cyrhaeddir 50 llofnod drwy ebostio studentvoice@undebbangor.com.
Beth arall ddylwn i ei wybod?
Pleidlais holl fyfyrwyr
Os oes angen, bydd Undeb y Myfyrwyr yn sefydlu pleidlais holl fyfyrwyr a gynhelir ar ein gwefan. Byddwn yn ei rannu ar ein cyfryngau cymdeithasol ac unrhyw sianelau eraill priodol, fodd bynnag eich cyfrifoldeb chi yw ymgyrchu er mwyn sicrhau bod myfyrwyr yn pledleisio. Bydd modd i fyfyrwyr bledleisio o blaid, yn erbyn neu ymwrthod. Bydd angen pleidlais gan o leiaf 500 o fyfyrwyr (cyfanswm y niferoedd beth bynnag fo’r penderfyniad) er mwyn dod i benderfyniad. Os y cynhelir pleidlais gallwn dy gefnogi gyda’n gwybodaeth ar sut i redeg ymgyrch.
A all fy syniad neu Ymgyrch gael ei wrthod cyn cael ei drafod gan tîm y Swyddogion Myfyrwyr?
Gallai hyn ddigwydd pe byddai dy syniad neu dy ymgyrch yn peri bygythiad cyfreithiol neu arianol i'r Undeb. Os byddai hynny’n digwydd, byddet yn derbyn dau opsiwn, i newid dy syniad neu ymgyrch er mwyn sicrhau nad yw’n cael ei gyfri fel bygythiad o dan Is-ddeddf 4.1.7 neu bydd modd i ti dynnu dy gyflwyniad yn ôl yn gyfan gwbl. Byddi’n parhau i dderbyn cefnogaeth a diweddariadau drwy gydol y broses.
Yr unig amgylchiad a allai arwain at wrthod dy gyflwyniad yn llwyr yw os wyt eisoes wedi cyflwyno a mynd drwy’r broeses Creu Newid. Mae ein Is-ddeddf yn datgan:
Ni all unrhyw syniad sydd â’r un deunydd a chynnwys gael ei drafod gan Gyfarfod Tîm Swyddogion Myfyrwyr am yr eilwaith o fewn yr un flwyddyn academaidd, oni bai ei fod wedi ei ohirio gan y pwyllgor diwethaf. Caiff hyn ei benderfynu gan ein Tîm Swyddogion Myfyrwyr.”
Beth yw is-deddfau a ble y gallaf ddod o hyd iddynt?
Mae ein is-ddeddfau yn restr o reolau y mae'n ofynnol i ni eu dilyn yn unol â’n cyfraith. Fe'u penderfynwyd gan fwrdd yr ymddiriedolwyr.
Ymgyrchoedd a Syniadau sydd nawr yn galw am dystiolaeth
Darllena drwy’r syniadau a’r ymgyrchoedd sydd wedi’u cyflwyno er mwyn ceisio gwella profiad myfyrwyr ac yna cyflwyna dy farn dy hun arnynt er mwyn bod o gymorth I'r Swyddogion Myfyrwyr benderfynu os dylent weithio arnyn nhw.
