Hwb Gwirfoddoli
Beth bynnag yw dy nod, mae gwirfoddoli’n gyfle i ddarganfod pwrpas, ffrindiau, ymdeimlad o berthyn a chreu atgofion a fydd gyda ti am byth.
Gwirfoddolwyr yw pileri ein cymuned; gyda diolch iddyn nhw, mae cannoedd o goed wedi’u plannu, miloedd o brydau poeth wedi’u darparu ar gyfer pobl leol sydd mewn angen, cannoedd o gilogramau o sbwriel wedi’u lanhau oddi ar strydoedd a thraethau Bangor, a channoedd o blant wedi’u diddanu. Mae hon yn foment nad wyt am ei cholli!
P’un a’i dy fod yn awyddus i gynnyddu dy gyflogadwyedd, rhoi yn ôl i'r gymuned, neu cwrdd â phobol newydd, mae rhywbeth at ddant pawb.
Mae ein holl brosiectau yn digwydd o dan arweiniad myfyrwyr, a olyga y galli di ddylanwadu ar y gwaith rwyt yn ei gyflawni tra’n datblygu sgiliau gwerthfawr, megis gwaith tîm, arweinyddiaeth, cyfathrebu, creadigrwydd, a datrys problemau. Dyma dy gyfle i fod yn rhan o rhywbeth mawr a gwneud gwir wahaniaeth o fewn y gymuned.
Mae ein cyfleoedd yn hyblyg a gallwn weithio o amgylch eich amserlen chi. Rydym yn cynnig rolau Gwirfoddolwyr Cyffredinol, yn ogystal a safleoedd Arweinydd Prosiect sydd yn gofyn am ymrwymiad uwch ar gyfer y rhai sydd â awydd cymryd mwy o gyfrifoldeb yn dylanwadu ar brosiectau.
Pam Gwirfoddoli?
- Rhoi yn ôl i'ch cymuned
- Datblygu sgiliau a phrofiadau gwerthfawr
- Byn cyrsiau hyfforddi ychwanegol
- Gwneud ffrindiau ac atgofion
- Cydnabyddiaeth ar eich Adroddiad Cyflawniadau Addysg Uwch (HEAR)
- Mae'n rhad ac am ddim!
Sut ydw i'n ymgeisio?
- Cam 1: Creu Proffil Gwirfoddoli > Cyfri Proffil > Fy nghwirfoddoli
- Cam 2: Ymgeisio am Gyfle
- Cam 3: Cofnodi dy Oriau
Beth sydd yn digwydd nesaf?
Bydd Arweinydd Prosiect o’r prosiect gwirfoddoli o dy ddewis di yn arolygu dy gais, ei gymeradwyo, ac yn cysylltu â ti ynglŷn a sut i gymryd rhan! Gall amser ymateb amrywio yn ddibynnol ar y prosiect felly bydd yn amyneddgar os gwelwch dda! Mae dy daith gwirfoddoli ar fin cychwyn!
Cyn gynted ac y byddi’n dechrau gwirfoddoli, cofia gofnodi dy oriau a chofia ddiweddaru dy broffil er mwyn sicrhau dy fid yn derbyn y cyfleoedd a’r gwobrau rwyt yn eu haeddu.
DBS
Gwiriad o dy gefndir yw gwiriad DBS er mwyn sicrhau dy fod yn addas i weithio neu gwirfoddoli gyda plant neu oedolion bregus.
Cost
Mae’r DBS ei hun am ddim, ond mae’n bosib y bydd angen i ti dalu ffi bach (oddeutu £12.75) os wyt yn dymuno dilysu dy hunaniaeth wyneb yn wyneb. Efallai y bydd angen i fyfyrwyr rhyngwladol ddarparu gwiriad o’i cofnod troseddol o’r wlad be maent yn dod yn wreiddiol.
Pwy sydd ei angen?
Mae ambell i brosiect gwirfoddoli (e.e Prosiect Prydau Poeth, Sbectrwm, Sblat, Gwirfoddolwyr sydd yn gyrru, Cyfeillion lles) yn gofyn am wiriad DBS cyn i chi allu cychwyn.
Sut mae ymgeisio?
Bydd Adran Adnoddau Dynol yn cysylltu gyda dolen i ti gwbwlhau’r cais. Bydd angen ID arnot i'w wirio (ar lein neu yn y Swyddfa Bost).
Oes gennych chi DBS yn barod?
Efallai bydd modd i ti aildefnyddio DBS sydd gen ti’n barod (o gyrsiau neu wasanaethau blaenorol). Anfona gopi at volunteering@undebbangor.com er mwyn ei wirio.
Myfyrwyr Rhyngwladol?
Mae modd i chi wirfoddoli ond efallai bydd angen gwiriad o dy gofnod troseddol gartref ac efallai y bydd cyfyngiadau ar dy oriau yn ddibynnol ar dy fisa.
Pwysig
Nid oes modd i ti gychwyn ar wirfoddoli ble mae DBS yn orfodol hyd nes bod dy wiriad wedi’i gymeradwyo, ond efallai y bydd rolau eraill ble nad yw DBS yn orfodol dal ar gael.
Fisas a Gwirfoddoli
Mae gwirfoddolwr yn rhywun sydd yn rhoi’n hael o’i amser, yn ddi-gytundeb ac yn ddi-dâl. Mae gan weithiwr gwirfoddol gytundeb ac mae rhaid iddynt gwbwlhau tasgau penodol, a allai gyfri fel gwaith o dan reolau fisa.
Mae’r prosiectau sydd ganddom yn rhai gwirioneddol wirfoddol, gall myfyrwyr gymryd rhan yn hamddenol heb gyfyngiadau fisa ar eu oriau. Fodd bynnag, rydym yn argymell eich bod yn cadw’ch oriau oddeutu 20 awr yr wythnos, er mwyn sicrhau nad yw’n effeithio ar astudiaethau.
Gall myfyrwyr gofnodi eu oriau wedi iddynt gofrestru er mwyn bod o gymorth i ni gadw llygaid ar eu amser.
Cynnig Prosiect Gwirfoddoli Newydd
Oes gen ti syniad am brosiect gwirfoddoli? Byddem wrth ein bodd yn ei glywed! P’un a’i ei fod yn achos newydd, rhywbeth mae’r gymuned ei angen, neu rhywbeth rwyt ti’n angerddol yn ei gylch, dyweda wrthym am dy syniad a bydd o gymorth i siapio cyfleoedd gwirfoddoli y dyfodol.
Cwestiynau a Chwynion
Oes gen ti gwestiwn neu gwyn am wirfoddoli? Rydym yma i helpu. Cysyllta gyda ni drwy volunteering@undebbangor.com ac fe wnawn ein gorau i dy gefnogi a datrys y mater cyn gynted a phosibl!
