llywodraethiad
Yma gallwch ddarganfod dogfennau allweddol, polisiau, adroddiadau a gwybodaeth sydd yn egluro sut mae'r Undeb yn gweithredu ac yn cynrychioli myfyrwyr.
Mae'r dudalen hon yn darparu tryloywder ynghylch ein penderfyniadau, strwythurau gweithredu, adroddiadau ariannol, a chyfrifoldebau ein swyddogion etholedig a'n Bwrdd Ymddiriedolwyr.
P'un a'i eich bod yn awyddus i gael gwell dealltwriaeth o sut mae'r undeb yn gweithio, mynediad at ddogfennau swyddogol, neu yn awyddus i ddal i fyny gyda chyfarfodydd ac adroddiadau, mae modd darganfod popeth mewn un lle yma.
Os oes ganddoch unrhyw gwestiynau am y wybodaeth a ddarperir, cysylltwch gyda tîm ymholiadau cyffredinol Undeb y Myfyrwyr drwy ebostio undeb@undebbangor.com.
Adnoddau llywodraethu
Is-Deddfau
Mae'r is-ddeddfau'n cynrychioli canllawiau parhaol a chyfredol ar sut y dylai Undeb Bangor gael ei rhedeg.
Erthyglau'r Cyfansoddiad
Mae Erthyglau'r Cyfansoddiad yn datgan:
- Beth yw Undeb Bangor
- Beth mae Undeb Bangor yn ei wneud
- Sut caiff Undeb Bangor ei llywodraethu
- Pwerau a chyfrifoldebau amrywiol rhanddeiliaid
Cytundeb Perthynas rhwng Prifysgol Bangor a Undeb y Myfyrwyr (Undeb Bangor)
Diben y cytundeb hwn yw nodi'n glir natur y berthynas rhwng y Brifysgol a'r Undeb a'r rhwymedigaethau a'r cyfrifoldebau sydd yn codi.
Cytundeb Rhannu Data Rhwng Prifysgol Bangor a Undeb y Myfyrwyr (Undeb Bangor)
Mae'r cytundeb Rhannu Data yn llywodraethu'r broses o drosglwyddo a darparu gwybodaeth bersonol myfyrwyr rhwng Prifysgol Bangor ac Undeb Bangor ac at ba ddibenion y bydd y wybodaeth a ddarperir yn cael ei ddefnyddio gan Undeb Bangor.
Siarter Myfyrwyr
Cydweithiodd Prifysgol Bangor a Undeb y Myfyrwyr ar ddatblygu'r siarter hwn. Rydym yn ymwybodol y gallwn gyflawni llawer mwy drwy gydweithio ac mae'r siarter hwn yn amlinellu ein ymrwymiad ar y cyd er mwyn creu gwelliannau cyson i brofiadau academaidd ein holl fyfyrwyr.
Ei ddiben yw darparu trosolwg o gyfrifoldebau a'r disgwyliadau sydd o holl bartneriaethau'r Brifysgol, Undeb y Myfyrwyr a myfyrwyr. Caiff ei arolygu'n flynyddol er mwyn sicrhau ei fod yn parhau'n berthnasol.
Adroddiad Blynyddol a Chyfrifon wedi'u archwilio
Mae Undeb Myfyrwyr Prifysgol Bangor yn elusen cofrestredig ac yn unol â Chyfraith Elusen mae'n orfodol iddi gyflwyno adroddiad blynyddol yr Ymddiriedolwyr ac archwiliad o'i chyfrifon i Gomisiwn y Gadeiryddiaeth.
Adroddiad blynyddol yr ymddiriedolwyr yw'r rhan naratifol o'r cyfrifon. Mae'n cynnwys gwybodaeth am yr elusen, sut y caiff ei redeg, ei weithgareddau a'i chyflawniadau, ac mae'n gymorth i egluro'r ffigyrau yn y cyfrifon.
Ein Cysylltiadau
Mae Undeb Bangor yn gysylltiedig â sawl corff allanol sydd o gymorth wrth i ni barhau gyda'n gwaith ar ran y corff myfyrwyr mor effeithiol a phosibl
NUS (Undeb Genedlaethol o Fyfyrwyr)
Rydym mewn cysylltiad â NUS UK a Elusen NUS. Mae NUS UK yn cynrychioli ac yn ymgyrchu dros fyfyrwyr yn genedlaethol, tra bod Elusen NUS yn cefnogi undebau myfyrwyr yn uniongyrchol. Drwy Wasanaethau NUS Limited, rydym hefyd yn elwa o allu prynu'n fosegol ar y cyd gyda undebau myfyrwyr eraill.
BUCS (Chwaraeon Prifysgolion a Cholegau Prydeinig)
Rydym yn aelodau o BUCS, sydd yn galluogi myfyrwyr i gystadlu mewn cystadleuthau chwaraeon wedi'i trefnu yn erbyn prifysgolion eraill ar draws Prydain.
