Archebu Ystafell
Mae ganddom ystod eang o ofodau y gall myfyrwyr eu defnyddio ar gyfer eu digwyddiadau, cyfarfodydd, a’i gweithgareddau. Er mwyn sicrhau y gwneir defnydd teg o’r ystafelloedd a bod gan bawb fynediad at y gofod sydd angen arnynt, mae’n rhaid archebu ystafelloedd ymlaen llaw.
Mae’r adran hon yn darparu gwybodaeth ar sut i archebu ystafell yn ogystal a darparu arweiniad ar sut i gynllunio digwyddiadau’n hyderus unwaith eich bod yn gwybod bod eich gofod wedi’i ddiogelu.
Oes gennych chi gwestiynau o hyd?
E-bostiwch Ni
Adnoddau
Hwb Gweithgareddau
Mae’r Hwb Gweithgareddau yn ofod pwrpasol y gellir ei archebu, sydd yn galluogi clybiau a chymdeithasau myfyrwyr i ddod ynghyd, cynnal digwyddiadau, ymarfer, a meithrin cymuned.
Wedi’i leoli uwchben BarUno ar safle Neuaddau Preswyl Ffriddoedd, mae gan yr hwb sawl ystafell hyblyg y gellir eu archebu gan gynnwys cegin ar gyfer paratoi bwyd a gweithgareddau cymdeithasol.
Rhaid bod â cerdyn myfyriwr er mwyn gallu cael mynediad, felly sicrhewch ei fod ganddoch pan yn ymweld.
P’un a’i eich bod yn cynllunio cyfarfod cymdeithas, cynnal gweithdy, neu ddigwyddiad, mae’r Hwb Adnoddau yma at eich defnydd chi felly sicrhewch eich bod yn ei archebu!
Ystafell Synhwyraidd
Mae ein Ystafell Synhwyraidd yn ofod llonydd, tawel a chefnogol sydd wedi’i leoli ar safle Neuaddau Preswyl Ffriddoedd. Mae’n ofod pwrpasol sydd wedi’i gynllunio’n benodol ar gyfer ein holl staff a myfyrwyr a fyddai’n elwa o ofod tawel i ymlacio a dianc rhag amgylchedd prysur sydd yn ormod i'r synhwyrau.
Mae’r ystafell o gymorth arbennig i fyfyrwyr niwroamrywiol, sydd yn profi gorbryder neu sensitifrwydd synhwyraidd, ac mae’n darparu gofod diogel a chroesawgar sydd yn darparu cymorth lles drwy gydol y dydd.
Nid oes rhaid bod â anabledd datganedig na darparu rheswm dros ymweld er mwyn mynychu’r Ystafell Synhwyraidd. Fodd bynnag, rydym yn annog myfyrwyr i gysylltu â Gwasanaeth Anableddau’r Brifysgol er mwyn archwilio’r ystod eang o gefnogaeth sydd ar gael.
Er mwyn defnyddio’r Ystafell Synhwyraidd, mae gofyn i fyfyrwyr gofrestru eu diddordeb cyn derbyn mynediad at ein system archebu ar-lein.
