Isod mae templed y gallwch ei ddefnyddio i gysylltu â'ch landlord. Gyda gwahanol amgylchiadau yn effeithio ar allu myfyrwyr i fod ar y campws ym Mangor neu Wrecsam, mae llawer o fyfyrwyr yn gofyn am ad-daliadau rhent neu derfyniadau contract cynnar. Er bod neuaddau prifysgol a rhai darparwyr neuaddau preifat wedi ymrwymo i gynnig hyn, mae'r sector preifat yn gae chwarae llawer mwy cymhleth.

Felly, rydym wedi creu'r templed hwn y gallwch ei ddefnyddio i gysylltu'n bersonol â'ch landlordiaid gydag unrhyw bryderon neu geisiadau sydd gennych.

 

I lawrlwytho'r templed, cliciwch yma.

 

Sut i ddefnyddio'r templed hwn i ysgrifennu'ch llythyr:

Mae ysgrifen coch naill ai'n golygu bod opsiwn i chi bersonoli'r llythyr a newid y manylion fel ei fod yn gwneud synnwyr. Cyfeiriwch at eich landlord yn ôl enw neu os ydych chi'n rhentu o gwmni, yna defnyddiwch enw'r cwmni.

Sicrhewch eich bod yn dileu unrhyw ran nad yw'n berthnasol, neu unrhyw opsiynau nad ydynt yn cyd-fynd â'ch ceisiadau, a gwnewch yn siŵr nad ydych yn cynnwys yr adran gyfarwyddiadau yma.

Mae Llywodraeth Cymru wedi addo £40 miliwn i brifysgolion Cymru i gynorthwyo myfyrwyr sy'n ei chael hi'n anodd yn ariannol, sy'n cynnwys materion sy'n talu rhent, felly gwnewch yn siŵr eich bod hefyd yn trafod unrhyw faterion rydych chi'n eu cael gydag Undeb Bangor

Cofiwch fod yn broffesiynol tuag at eich landlord / darparwr llety, rydyn ni i gyd yn mynd trwy bandemig na allai neb ei ragweld. Os yw'ch ceisiadau'n cyfeirio at eraill sy'n byw yn eich fflat / tŷ, byddwch hefyd yn ystyriol o'u gofynion, a gofynnwch am ganiatâd i'w cynnwys mewn unrhyw drafodaethau.